ՎՍՀ-ում Հայաստանի Հանրապետության դեսպան Վահրամ Կաժոյանի և ՎՍՀ Կոմկուսի Քաղբյուրոյի անդամ, բանակի գեներալ Նո Սյուան Լիքի միջև հանդիպում:

10 փետրվարի, 2020

Փետրվարի 10-ին Վիետնամի Սոցիալիստական Հանրապետության պաշտպանության նախարարությունում կայացավ Վիետնամում ՀՀ դեսպան Վահրամ Կաժոյանի հանդիպումը Վիետնամի պաշտպանության նախարար, Վիետնամի Կոմկուսի Քաղբյուրոյի անդամ, բանակի գեներալ Նո Սյուան Լիքի հետ:

Պաշտպանության նախարարը ողջունելով դեսպանին, հաջողություն ցանկացավ նրան իր՝ Վիետնամում գործունեության ընթացքում:

Դեսպան Կաժոյանը շնորհակալություն հայտնեց նախարարին ընդունելության համար և ներկայացրեց դեսպանության աշխատանքների շրջանակը, ինչպես նաև հայ-վիետնամական տասնամյակների համագործակցությունը:

Կարևորելով երկու երկրների միջև առկա քաղաքական բարձր մակարդակի համագործակցությւոնը, դեսպանն անդրադարձավ նաև մշակութային, առևտրա-տնտեսական և ռազմա-պաշտպանական համագործակցության զարգացման հարցերին:

Հահնդիպման ժամանակ համաձայնություն ձեռք բերվեց ուսումնասիրել երկու երկրների պաշտպանական գերատեսչությունների միջև համագործակցության հնարավորությունները՝ ստորագրելով փոխըմբռնման հուշագիր:

Հահնդիպմանը մասնակցում էին ՎՍՀ Պաշտպանության նախարարության մի շարք բարձրաստիճան ներկայացուցիչներ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր